په کندهار ښار کي حاجي نیکه لیسه

لومړۍ پوښتنه: په حاجي نیکه لیسه کي څومره زده کړیالان زده کړي کوي؟

 

ځواب: کارېز مرستندویه ټولني په ۲۰۰۹ زېږديز کال کي د کندهار ښار په حاجي عزیز نومي کلي کي د حاجي نیکه لیسې له پاره د ښوونځۍ یوه ودانۍ جوړه کړه، چي اوس مهال په کندهار ښار کي د دولتي ښوونځۍ په توګه فعالیت ترسره کوي او کارېز مرستندویه ټولنه اوس مهال په کندهار ښار د همدې لیسې د ځینو برخو څخه ملاتړ هم کوي.

 

په یاده لیسه کي له لومړۍ ټولګۍ څخه تر دوولسم ټولګۍ پوري زده کړیالان شامل دي او د ۲۰۲۳ زېږدیز کال د مارچ تر میاشتي پوري د زده کړیالانو شمېر ۱۶۸۴ دئ چي په دغه شمېر کي ۵۶۰ ئې تر شپږم ټولګۍ پوري ښځینه زده کړیالاني دي او ټول ښوونکي (معلمان) ئې ۳۲ تنه دي.

 

ددغي لیسې سره د ماډل (نمونه) ښوونځۍ په توګه، موږ د  جاپان د دباندنیو چارو وزارت له خوا په مالي مرسته 

" ښوونځۍ کي د روغتیايي مدیریت پروژې " باندي کار کوو. د ۲۰۲۱ او ۲۰۲۲ زېږدیز کلونو په اوږدو کي موږ د زده کړیالانو جسمي (فزیکي) حالت او د روغتیايي وضعیت کتني واخیستې او یو ډاټابېس مو ورته جوړ کړئ.